சௌமிய தேசம் உங்களை உளமகிழ்ந்து வரவேற்கிறது வாருங்கள் என்னுயிரின் ஓசை கேட்க .... !.......... பிரியமுடன் சீராளன்

வெள்ளி, 19 ஆகஸ்ட், 2016

காலமே கவிதை நண்பா !





வானமே எல்லை கொண்ட  
       வாலிபக் காதல் வந்தால்  
மானமே போயும் நெஞ்சில் 
       மறந்திட முடியார் வாழ்வில்  
கானமே தனிமை போக்கும் 
       காய்ந்துயிர் வேகும்  தன்னுள்    
ஊனமே அடைந்தும் எண்ணார்
       உலகிது மாயம் என்றே !


ஆரணங் கவளால் வெற்றி 
       அடைந்தனன் என்று நாளும் 
பாரணங் கொண்டால் வஞ்சம் 
       பறந்திடும் பஞ்சாய் ! வாழும் 
காரணப் பொருளாய் ஏற்றுக் 
       கயமைகள் களைந்தால்  வஞ்சி 
பூரணப் பொய்கை வாழும்  
       புண்ணியக் கமலம் ஆவாள் !

காரிகை மனத்தைச் சேரும்  
       காதலால் வந்த கண்ணீர்  
தூரிகை நழுவித் தன்னால் 
       துயர்வரைந் தழுத போதும்     
சாரிகை எடுத்துச் சென்ற 
       சருகதாய்  நெஞ்சம் வாடிப்    
பேரிகை கொட்டிப் போகும் 
       பிறப்பிது பாவம் என்றே  !

ஆலமே உண்டும் ஆசை 
       அகன்றிடா அன்பின் ஓசை 
சீலமே சிறைதான் என்று 
       சிதைத்திடும் அறிவை நின்று 
தூலமே துணியாய் மாறும் 
       துணிந்தவன் வாழ்க்கை தேறும்  
காலமே கவிதை நண்பா! 
       கருத்தெழப் பாடு தண்பா!

             ********************

பிரியமுடன் பாவலர் .வீ. சீராளன் 

13 கருத்துகள்:

கரந்தை ஜெயக்குமார் சொன்னது…

காலம்தான்கவிதை
உண்மை
அருமை
நன்றி நண்பரே

Saratha J சொன்னது…

அருமையான கவிதை. எனது வலைப்பூவுக்கும் நேரம் கிடைக்கும் போது வாருங்கள்.

Bagawanjee KA சொன்னது…

தூலம் என்றால் பருத்தி என்பதை அறிந்து கொண்டேன் !தூய தமிழில் கவிதை தொடர வாழ்த்துகள் !

ஹிஷாலீ சொன்னது…

அருமையான கவிதை வாழ்த்துக்கள்

R.Umayal Gayathri சொன்னது…

கவிதை...கவிதை...அருமை சகோ

super deal சொன்னது…

அனைவருக்கும் வணக்கம்

புதியதாக உதயமாயிருக்கும் (superdealcoupon.com)நமது தளம் .இந்த தளத்தின் சிறப்பு இந்தியாவில் முதன்மையான ஆன்லைன் ஷாப்பிங் தளம் மற்றும் மொபைல் ரீசார்ஜ் ஆகிய தளத்தில் கொடுக்கப்பட்டுள்ள ஆபர் பற்றிய தகவல்களை உங்களிடம் பகிர்ந்து உங்கள் பணத்தை யும் உங்கள் நேரத்தையும் சேமிப்பதே எங்கள் கொள்கை .

நன்றி

நமது தளத்தை பார்க்க Superdealcoupon

Thulasidharan V Thillaiakathu சொன்னது…

என்ன அருமையான கவிதை!! அழகு தமிழ்! வாழ்த்துகள் சீராளன்.

சிவகுமாரன் சொன்னது…

அருமை.
காலமே கவிதை
காலமே பாடம்
காலமே மருந்து

சீராளன்.வீ சொன்னது…

வணக்கம் உறவுகளே !

கரந்தை ஜெயக்குமார்
Saratha J
Bagawanjee KA
ஹிஷாலீ
R.Umayal Gayathri
Thulasidharan V Thillaiakathu
சிவகுமாரன்

தங்கள் அன்பின் கருத்துகளுக்கு நெஞ்சம் நிறைந்த நன்றிகள்
வாழ்க வளத்துடன் !

Nagendra Bharathi சொன்னது…

அருமை அருமை

சீராளன் சொன்னது…

வணக்கம் நாகேந்திர பாரதி !

தங்கள் அன்பின் கருத்திற்கு
நெஞ்சம் நிறைந்த நன்றிகள்
வாழ்க வளத்துடன் !

அம்பாளடியாள் சொன்னது…

ஆலமே உண்டும் ஆசை அகன்றிடா அன்பின் ஓசை சீலமே சிறைதான் என்று சிதைத்திடும் அறிவை நின்று தூலமே துணியாய் மாறும் துணிந்தவன் வாழ்க்கை தேறும் காலமே கவிதை நண்பா! கருத்தெழப் பாடு தண்பா!

அருமை! அருமை! வாழ்த்துக்கள் சகோ .

srisanthakumar vinoth சொன்னது…

அருமை! அருமை! வாழ்த்துக்கள்