திருப்பிவிடு இதயத்தை...!

சொல்லக்கூடிய  

வார்த்தைகளுக்குள்

என் சோகம் 

எழுதப்படவில்லை

எழுதியதெல்லாம் 

உன்னைப்பற்றி என்பதால்

அழுகைகூட ஆனந்தமாகிறது...!

வளரும் புன்னகை

புரிதல்கள் .........

புரியாமல் போன உன்

புன்னகையின் மீதங்களை 

உயிருக்குள்ளே ...

நாற்றாக  நட்டுவிட்டு

காற்றினிலே தேடுகிறேன்

கடைசி நாள் கண்ணீரை

ஊற்றி ஊற்றி  அதை வளர்க்க 

அங்கே காய்ந்தாலும் அவை

காதலுடன்தான் இருக்கும் 

வளர்வது  உன் புன்னகை  என்பதால்.....!

ப்ரியமுடன் சீராளன் 

என் உறைவிடம் நோக்கி ...!

நேரங்காலம் தெரியாத 

நள்ளிருள் கனவுக்குள்

வாழ்ந்து மடிந்து போகிறது

நம் வாழாத நினைவுகள்...!

மண்ணிலும் மலர்வேன்.....!

இதயச்சிதைவின் எச்சங்கள்
என்றும் காதலின் மிச்சங்கள்
விழிகள் சொன்ன சாட்சியங்கள் 
விளைந்திடவில்லை உன்னுதட்டில்...! 

ப்ரியமுடன் சுமக்கின்றேன்

மேகத்தின் விழியொடுங்கி   

விதைக்கின்ற மழைநீரில்

மேனி நனைத்து நிற்க 

விழிநீரேன்  சுடுகிறது....?

எப்படி முடியும் ...!

நொடிக்கொரு முறை விடியும்
என் இரவுகளுக்குள்...
தூங்காமல் நானும்...
ஏங்காமல் நீயும்....
எதிரும் ,புதிருமாய்
ஏமாற்றங்கள் எமக்குள்ளே......!

என்னவள் நீ

எரிகின்ற என்னிதயத்தில்

எரியாத உன்நினைவு

எப்போதும் இதமாக 

எனக்குள்ளே உயிர் வாழும் 

ப்ரியமுடன் சீராளன்